"Respirando" contra o estrés

Hoxe, en 5º de primaria, aproveitamos un momento da nosa clase de música para falar sobre a importancia da respiración. Xa falaramos da respiración de diafragma para potenciar a nosa voz e cantar de forma saudable, sen forzar a nosa garganta, pero hoxe falamos dos beneficios desta respiración para relaxarnos e combater a ansiedade.

         

O fin de curso tráenos moitas alegrías pero tamén implica algo de estrés polas notas, a entrega de traballos, o cansazo tras tantos meses de clase e estudos... e o noso corpo tamén nota ese cansazo e ás veces sentímonos ansiosos e tensos. Por iso hoxe, antes de que os grupos presentasen a súa exposición de "Podcast", practicamos a respiración de diafragma ou respiración abdominal, tentando inflar un globo . Non é nada doado!

Tamén probamos unha postura típica na meditación ou o Ioga, a "postura do loto", usando a respiración para relaxarnos. 

Ás veces a nosa mente, para manterse saudable, só precisa un pouco de silencio!